Компрессияны тексеру үшін бензин қозғалтқыштарына арналған «Triscko» фирмасының (Тайвань) G-324 типті немесе «KT TOOLS» фирмасының (Тайвань) КА-6721К компрессометрлерін пайдалану ұсынылады.
Автомобильді көлденең алаңға орнатып, тұрақ тежегішімен тежейміз және қозғалтқышты жылытамыз.
Беріліс қорабының тұтқасын бейтарап күйге орнатып, тұтануды өшіріп, капотты ашамыз.
Тұтану модулінен немесе катушкасынан штекерлік қосқышты ажыратамыз.
Тұтану шырақтарынан сымдарды шешіп, шырақтарды бұрап шығарамыз.
Ескерту: Компрессияны өлшеу жұмыстарын екеулеп орындаңыз, стартерді тұтану қосқышымен қосыңыз.
Бірінші цилиндрдегі компрессияны тексереміз.
Маңызды! Тексеруді ауа және дроссель қалқандары толық ашық кезде жүргізу керек.
Компрессометр ұшының резеңке конусын цилиндр басының шырақ астындағы бұрандалы тесігіне кіргізіп, жану камерасының герметикалығын қамтамасыз ету үшін басыңыз.
Тұтану қосқышын қосу арқылы компрессометр аспабының тілшесінің көрсеткіштері тұрақтанғанша қозғалтқыштың иінді білігін айналдырыңыз (5-тен 7 секундқа дейін).
Компрессометр аспабының тілшесін тастау түймесін басу арқылы нөлге орнатыңыз.
Екінші, үшінші және төртінші цилиндрлердегі компрессияны дәл осылай тексеріңіз.
Қозғалтқыштың барлық цилиндрлеріндегі компрессия 1,0 МПа (10 кгс/см²) кем болмауы керек және бір қозғалтқыштың әртүрлі цилиндрлерінде 0,1 МПа (1 кгс/см²) артық айырмашылық болмауы керек.
Бір немесе бірнеше цилиндрде компрессия көрсеткіші төмен болған жағдайда ақаулықтарды іздестіріңіз:
- Тексерілетін, компрессиясы төмен цилиндрге 20-дан 25 см³-ке дейін таза мотор майын құйыңыз.
- Компрессияны өлшеу операцияларын қайталаңыз.
- Бұл жағдайда компрессияның жоғары көрсеткіші поршень сақиналарының сынуын немесе қатып қалуын көрсетеді.
- Егер компрессометр көрсеткіші өзгермесе, онда төмен қысымның себебі клапандардың тығыз жанаспауы немесе цилиндр блогы басының төсемінің зақымдалуы болып табылады.
Тұтану шырақтарын бұрап кіргізіп, оларға жоғары вольтты сымдарды қосыңыз.
Капотты жабыңыз, қозғалтқышты іске қосыңыз және оның жұмысын тексеріңіз.
